Zelenski Prezident İlham Əliyevə təyyarə qəzası ilə bağlı başsağlığı verdi

Ukrayna Prezidenti Volodimir Zelenski dekabrın 28-də Azərbaycan Prezidenti İlham Əliyevə zəng edib.

TodayPress xəbər verir ki, bu barədə Prezidentin Mətbuat Xidməti məlumat yayıb. 

Volodimir Zelenski dekabrın 25-də Bakı-Qroznı istiqamətində uçuş yerinə yetirən “Azərbaycan Hava Yolları”na məxsus sərnişin təyyarəsinin qəzaya uğraması nəticəsində çox sayda insanın həlak olması ilə bağlı Prezident İlham Əliyevə və Azərbaycan xalqına başsağlığını çatdırıb, xəsarət alanların tezliklə şəfa tapmasını diləyib.

Dövlət başçısı göstərilən diqqətə və başsağlığına görə minnətdarlığını bildirib.