Türkiyədə baş verən yanğında xəsarət alanlar arasında Azərbaycan vətəndaşları olub? - EKSKLÜZİV

Türkiyənin Bolu vilayətində yerləşən “Kartalkaya” dağ-xizək kurortunda yerləşən hoteldə baş vermiş yanğında xəsarət alan və ölənlər arasında Azərbaycan vətəndaşları olmayıb. 

Bu barədə TodayPress-in sorğusuna cavab olaraq Azərbaycan Xarici İşlər Nazirliyindən bildirilib.  

Qeyd olunub ki, baş verən hadisə nəticəsində ölən və yaralananlar arasında Azərbaycan vətəndaşları yoxdur. 

Xatırladaq ki, yanvarın 21-də gecə yerli vaxtla 03:30 radələrində Türkiyənin Bolu vilayətində yerləşən “Kartalkaya” dağ-xizək kurortundakı “Grand Kartal” hotelində yanğın baş verib.

Hadisə nəticəsində 76 nəfər həlak olub, 50-dən çox insan müxtəlif dərəcəli bədən xəsarətləri alıb. Zərərçəkənlərdən birinin vəziyyəti ağırdır.

Töhfə Səməd