Rodriqo “Barselona” ilə oyunu buraxa bilər

“Real Madrid” klubunun hücumçusu Rodriqo UEFA Çempionlar Liqasının Dortmund “Borussiya”sı ilə matçında zədələnib. 

TodayPress AS-a istinadən xəbər verir ki, “kral klubu”nun baş məşqçisi Karlo Ançelotti ikinci hissənin sonlarında əvəzlənən braziliyalı futbolçunun zədəsindən danışıb:

“Rodriqonun əzələ zədəsi var. O, üçüncü qoldan əvvəl çox kəskin hərəkət etdi. Təəssüf ki, amma bu, futboldur”.

Qeyd edək ki, Rodriqo səhhətindəki problemlərə görə oktyabrın 26-da “Barselona” ilə keçiriləcək La Liqa matçını buraxmaq riski ilə üzləşib.

Namiq HUN