Millətlər Liqası: Türkiyə Macarıstanla rəqib oldu

UEFA Millətlər Liqasında 1/4 final, yarımfinal və pley-off mərhələlərinin püşkü atılıb.

TodayPress xəbər verir ki, mükafat uğrunda mübarizə aparan A liqasının 8 güclü kollektivi 4 cüt təşkil edib.

Bu cütlər yarımfinaldakı mümkün rəqiblərini də tanıyıblar.

İsveçrənin Nyon şəhərində keçirilən mərasimdə A və B liqalarının hərəsinə 4, C liqasına 2 vəsiqə uğrunda matçların da iştirakçıları bəlli olub. 

Türkiyə millisi A liqasında oynamaq üçün Macarıstana qalib gəlməli olacaq.

1/4 final, həmçinin A və B liqalarında oynamaq üçün pley-off görüşləri 2025-ci il martın 20-də və 23-də baş tutacaq.

Yarımfinal mərhələsi iyunun 4-5-də, üçüncülük oyunu və final isə 8-də keçiriləcək. 

C liqasına vəsiqələr isə 2026-cı ilin martın 26-da və 31-də keçiriləcək qarşılaşmalardan sonra bəlli olacaq.

1/4 final

1. Niderland - İspaniya

2. Xorvatiya - Fransa

3. Danimarka - Portuqaliya

4. İtaliya - Almaniya

Yarımfinal

4-cü cütün qalibi – 1-ci cütün qalibi

3-cü cütün qalibi – 2-ci cütün qalibi

A/B pley-offu

Türkiyə - Macarıstan

Ukrayna – Belçika

Avstriya – Serbiya

Yunanıstan - Şotlandiya

B/C pley-offu

Kosovo – İslandiya

Bolqarıstan – İrlandiya

Ermənistan – Gürcüstan

Slovakiya - Sloveniya

C/D pley-offu

Cəbəllütariq – Latviya

Malta – Lüksemburq

Namiq HUN