“Mançester Siti”dən yeni antirekord

İngiltərənin “Mançester Siti” klubu UEFA Çempionlar Liqası (ÇL) tarixində yeni antirekord müəyyənləşdirib.

TodayPress "Opta"ya istinadən xəbər verir ki, göstərici Liqa mərhələsinin V turunda Mançesterdə Niderland təmsilçisi “Feyenoord”la oyuna təsadüf edib.

“Şəhərlilər” hesabda öndə olsalar da, qələbəni əldən veriblər.

Nəticədə Xosep Qvardiolanın çalışdırdığı kollektiv ÇL tarixində 75-ci dəqiqədə 3:0 hesabı ilə öndə olan, lakin qalib gələ bilməyən ilk komanda olub. Qarşılaşma 3:3 hesabı ilə başa çatıb. 

Qeyd edək ki, “Mançester Siti” bütün turnirlərdə ardıcıl 6 oyundur qələbə qazana bilmir.

Namiq HUN