İspaniya Serbiyanı darmadağın etdi

UEFA Millətlər Liqasının IV turuna son oyun günündə keçirilən 8 oyunla yekun vurulub.

TodayPress xəbər verir ki, A Liqasının IV qrupunda İspaniya yığması doğma meydanda Serbiyanı darmadağın edib 3:0. “Qırmızı furiya”nın heyətində qolları Emerik Lyaport, Alvaro Morata və Aleks Baena vurub.    

Qrupun digər oyununda İsveçrə ardıcıl üç məğlubiyyətdən sonra Danimarka millisi ilə qarşılaşmada xal hesabını açıb 2:2.   

A Liqasının I qrupunda Polşa evdə Xorvatiya ilə oyunda sülhə nail olub 3:3. Şotlandiya isə Portuqaliya ilə oyunda aktivinə ilk xalını yazıb 0:0. 

UEFA Millətlər Liqasının digər oyunlarında Şimali İrlandiya evdə Bolqarıstana (5:0), Kosovo Kiprə (3:0) qalib gəlib. 

Litva Rumıniyaya (1:2) məğlub olub. 

Belarus - Lüksemburq qarşılaşmasında isə heç-heçə qeydə alınıb 1:1. 

Namiq HUN