Elçin Məsiyev UEFA-dan təyinat aldı

Azərbaycanın FIFA referisi Elçin Məsiyev UEFA-dan növbəti təyinat alıb.

TodayPress xəbər verir ki, o, UEFA Konfrans Liqasının Liqa mərhələsinin I turu çərçivəsində keçiriləcək “Boraç” (Bosniya və Herseqovina) – “Panatinaikos” (Yunanıstan) oyununun baş hakimi olacaq.

Məsiyevə laysmanlar - Elşad Abdullayev və Pərvin Talıbov kömək edəcəklər. Dördüncü hakim funksiyasını Fərid Hacıyev yerinə yetirəcək. Matçın VAR hakimləri İnqilab Məmmədov və fransalı Beniot Millot olacaq.

“Boraç”– “Panatinaikos” matçı oktyabrın 3-də Banya-Luka şəhərinin eyniadlı stadionunda keçiriləcək.

Namiq HUN