Derbini “Real” qazandı, “Arsenal” rəqibini darmadağın etdi

UEFA Çempionlar Liqasında 1/8 final mərhələsinə start verilib.

TodayPress xəbər verir ki, ilk oyun gününün ən prinsipial qarşılaşması İspaniyanın paytaxtı Madriddə baş tutub.

“Real” “Santyaqo Bernabeu”da şəhərin digər təmsilçisi “Atletiko”nu qəbul edib. Madrid derbisində sevinən tərəf “kral klubu” olub 2:1.

İngiltərə “Arsenal”ı Niderlandda PSV-ni 7:1 hesabı ilə darmadağın edib. Fransanın “Lill” klubu Almaniyada Dortmund “Borussiya”sı ilə heç-heçəyə nail olub 1:1. Belçikada keçirilən “Brügge” - “Aston Villa” qarşıdurmasında isə İngiltərə təmsilçisi 3:1 hesablı qələbə qazanıb.

Qeyd edək ki, 1/8 final mərhələsinin digər dörd matçı bu gün keçiriləcək.

Namiq HUN