ÇL: İtaliya klubları üçün uğursuz gün

UEFA Çempionlar Liqasında pley-off mərhələsinin ilk oyunlarına yekun vurulub.  TodayPress xəbər verir ki, mərhələnin ikinci oyun günü İtaliya klubları üçün uğursuz olub.  “Atalanta” Belçikada “Brügge”yə (1:2), “Milan” isə Niderlandda “Feyenoord”a (0:1) hesabı ilə uduzub. 

“Bavariya” “Seltik”in qonağı olub. Qlazqo qarşılaşması Münhen təmsilçisinin 2:1 hesablı qələbəsi ilə başa çatıb.   

“Benfika” isə səfərdə “Monako”ya (1:0) qalib gəlib.   

Pley-off mərhələsinin cavab görüşləri fevralın 18-19-da keçiriləcək.   

Namiq HUN