ÇL-in ilk iştirakçısı müəyyənləşdi

Liqa 1-in lideri PSJ klubu UEFA Çempionlar Liqasının (ÇL) yeni mövsümünün ilk iştirakçısı olub.   

TodayPress xəbər verir ki, Paris təmsilçisi XXVII tur səfərdə “Sent-Etyen”i darmadağın etməklə (6:1) növbəti mövsüm Avropanın ən nüfuzlu klub turnirinə adını yazdırıb. 

Fransa çempionatının başa çatmasına 7 tur qalmış PSJ-nin ikinci yerdən aşağı düşməyəcəyi dəqiqləşib.

Nəticədə klub bir başa Çempionlar Liqasının Liqa mərhələsində iştirak etmək hüququ qazanıb. 

Hazırda PSJ ikinci yerdə qərarlaşan “Monako”nu 21, ilk üçlüyü tamamlayan “Marsel”i isə 22 xal qabaqlayır.

Növbəti turda qazanılacaq 1 xal parisliləri vaxtından əvvəl Fransa çempion edə bilər. 

Qeyd edək ki, parislilər cari mövsüm turnirdə iştirakını davam etdirir. Komanda aprelin 9-da 1/4 final mərhələsində “Aston Villa” ilə qarşılaşacaq. 

Namiq HUN