ÇL: “Feyenoord” və “Atalanta” ilk qələbələrini qazandılar

UEFA Çempionlar Liqasında Liqa mərhələsinin oyunları keçirilir.

TodayPress xəbər verir ki, II turun ikinci oyun günündə iki görüş başa çatıb.

Son mövsüm La Liqada baxımlı oyunu ilə adından söz etdirən “Jirona” Çempionlar Liqasının əsas mərhələsində uğursuz start götürüb. İlk turda səfərdə PSJ-yə uduzan Kataloniya təmsilçisi, bu tur evdə “Feyenoord”la bacarmayıb. İlk hissəni minimal fərqlə qazanan Rotterdam klubu oyundakı üstünlüyünü sonadək qoruyub saxlayaraq turnirdə ilk qələbəsini qazanıb 3:2.

İkinci turda “Atalanta” klubu da səfər qarşılaşmasında  qələbəni bayram edib. Berqamo təmsilçisi Donetsk “Şaxtyor”u ilə matçın ilk hissəni Berat Cimsiti və Ademola Lukmanın qolları ilə aktivinə yazıb. Fasilədən sonra isə Raul Bellanova ukraynalı futbolçuların darmadağınını rəsmiləşdirib 3:0.  

Namiq HUN