ÇL: Dortmund “Borussiya”sı lider mövqeyində

UEFA Çempionlar Liqasında Liqa mərhələsinin II turuna start verilib.

TodayPress xəbər verir ki, ilk gündə baş tutan 9 matçda qapılara 32 qol vurulub. 

Turun maraqlı qarşılaşmalarından biri İngiltərədə keçirilib. “Arsenal” PSJ-ni “Emireyts”dən xalsız yola salıb 2:0. 

Dortmund "Borussiya"sı isə “Seltik”I darmadağın edərək Liqa mərhələsində liderliyi ələ keçirib. Nuri Şahinin komandası öz meydanında Şotlandiya təmsilçisinə 7:1 hesabı ilə qalib gəlib. 

Turun digər görüşlərində “Barselona” “Yanq Boyz” üzərində inamlı qələbə qazanıb 5:0. 

“İnter” evdə “Srvena Zvezda”dan üstün olub 4:0. 

“Slovan” “Mançester Siti”yə,  “Zaltsburq” isə “Brest”ə 0:4 hesabı ilə məğlub olub. 

“Bayer 04” “Milan”ı minimal hesabla yenib 1:0. 

“Ştutqart” – “Sparta” və PSV – “Sportinq” qarşılaşmalarında qollu heç-heçə qeydə alınıb 1:1. 

Namiq HUN