Azərbaycan UEFA reytinqində gerilədi

Azərbaycan UEFA reytinqində bir pillə geriləyib.

TodayPress xəbər verir ki, buna "Qarabağ"ın UEFA Avropa Liqasının Liqa mərhələsinin VI turunda İsveçdə “Elfsborq”a uduzması (0:1) səbəb olub.

Azərbaycan 19.625 xalla 28-ci yerdə qərarlaşıb.

Bolqarıstanın “Ludoqorets” klubunun Niderlandın Alkmaar komandası ilə heç-heçə etməsi (2:2) ölkənin sıralamada Azərbaycana çatması ilə nəticələnib. Əmsallar bərabər olsa da, bolqarlar cari mövsüm əldə olunan nəticələrə əsasən 27-ci sıradadır.

Qeyd edək ki, 55 ölkənin yer aldığı siyahıya 99.374 xalla İngiltərə başçılıq edir.

Namiq HUN