Azərbaycanın sədrliyi ilə QDİƏT-in turizmlə bağlı iclası keçirildi - FOTO

Dekabrın 3-də Qara Dəniz İqtisadi Əməkdaşlıq Təşkilatının Turizm üzrə işçi qrupunun video-konfrans formatında 3-cü iclası Azərbaycanın sədrliyi, Dövlət Turizm Agentliyinin (DTA) nümayəndələrinin iştirakı ilə onlayn formatda keçirilib.

TodayPress  xəbər verir ki, Türkiyə, Gürcüstan, Ermənistan, Yunanıstan, Rumıniya, Rusiya, Moldova, Şimali Makedoniya və Ukraynanın təmsil olunduğu iclas zamanı Azərbaycanın təşkilata sədrlik etdiyi 2023-2024-cü illər ərzində fəaliyyət istiqamətləri müzakirəyə çıxarılıb, turizm üzrə həyata keçirilə biləcək layihələrə dair fikri mübadiləsi aparılıb.  

Üzv dövlətlərə noyabr ayında Azərbaycanın ev sahibliyi ilə keçirilmiş COP29 tədbiri çərçivəsində təşkil olunan "Turizm Günü" tədbirləri, həmçinin Qlazqo Bəyannaməsinə qoşulma təşəbbüsü haqqında ətraflı məlumat verilib. 

İclasın yekununda “2023-2024-cü illər üzrə QDİƏT-in Turizm sahəsində əməkdaşlıq üzrə İşçi Qrupunun Fəaliyyət Planı” təsdiq edilib.