Ştaynmayerin “Qarabağ Azərbaycandır!” bəyanatına sözardı: “Bunu heç kim...” – ŞƏRH

"Almaniya prezidenti Frank-Valter Ştaynmayer də qəbul edir ki, Qarabağ Azərbaycan ərazisidir və  Azərbaycanın paytaxtında bunun əksini heç kim iddia edə bilməz”. 

Politoloq Tural İsmayılov bunu TodayPress-ə danışarkən bildirib.

O, diqqətə çatdırıb ki, iki ölkə liderinin birlikdə mətbuata verdiyi açıqlamalar, həmçinin Almaniya prezidentinin Azərbaycanla bağlı səsləndirdiyi fikirlər, Azərbaycan-Almaniya münasibətlərindəki perspektivləri nümayiş etdirir.  Ekspert xatırladıb ki, Almaniya-Azərbaycan əlaqələri ilə bağlı müxtəlif statistik rəqəmlər mövcuddur.   

T.İsmayılov sonda vurğulayıb ki, Azərbaycan-Almaniya münasibətlərinin yaxşı olması Azərbaycandan daha çox Almaniyaya lazımdır və Almaniyada da bunu dəyərləndirməyi bacarmalıdırlar.

Qeyd edək ki, lmaniya prezidenti Frank-Valter Ştaynmayer və xanımı Elke Budenbender aprelin 2-də Azərbaycana rəsmi səfər ediblər. Almaniya Prezidenti Frank-Valter Ştaynmayer Azərbaycan Prezidenti İlham Əliyevlə mətbuata bəyanatında bildirib ki, Qarabağ Azərbaycandır, bu, rəsmi Berlinin birbaşa və aydın mövqeyidir.

“Biz həmişə demişik ki, bu, sizin (Azərbaycan) ərazinizdir və bu gün Almaniyanın bu mövqeyini təsdiqləyirik”. 

Türkan İsgəndərli