Yasamalda yaşayış binasında yanğın oldu, 2 nəfər təxliyə edildi

Bakı şəhərinin Yasamal rayonunda yanğın olub.

TodayPress xəbər verir ki, bu barədə FHN məlumat yayıb.

Bildirilib ki, üçmərtəbəli yaşayış binasının 3-cü mərtəbəsinin pilləkən qəfəsində quraşdırılan elektrik lövhəsi yanıb. Yanğın zamanı yanğınsöndürənlər tərəfindən 1-i uşaq olmaqla 2 nəfər bina sakini təhlükəsiz əraziyə təxliyə olunub. Mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.