Tekstil Fabrikində zəhərlənənlərin vəziyyəti açıqlandı - YENİLƏNDİ

Sumqayıt Tekstil Fabrikində zəhərlənənlərin vəziyyəti açıqlanıb.

Bu barədə TodayPress-in sorğusuna TƏBİB-dən bildirilib.

Məlumata görə, aprelin 21-i saat 16:05 radələrindən başlayaraq Sumqayıt Tibb Mərkəzinin nəzdində olan 1 nömrəli Şəhər Xəstəxanasının İnfeksion xəstəliklər şöbəsinə 19 nəfər (16 qadın cinsli, 3 kişi cinsli olmaqla) hospitalizasiya olunub.

“Dəqiqləşdirilməmiş bakterial qida zəhərlənməsi diaqnozu ilə onların hər birinə zəruri tibbi yardımlar göstərilib.

Hazırda 14 nəfərin müalicəsi davam etdirilir.

Vəziyyətləri qənaətbəxş olan 5 nəfər isə ambulator müalicə üçün evə buraxılıb” deyə məlumatda qeyd olunub.

Qiymət Mahir

***

17:14

Sumqayıt tekstil fabrikində kütləvi zəhərlənmə olub. 

TodayPress xəbər verir ki, əraziyə təcili tibbi yardım briqadası cəlb olunub.