Sumqayıtda bıçaqlanan şəxsin SON DURUMU açıqlandı

"07.02.2025-ci il tarixində saat 08:00 radələrində Sumqayıt Tibb Mərkəzinin Təcili Tibbi Yardım Xəstəxanasına 1985-ci il təvəllüdlü şəxs (kişi cinsli) hospitalizasiya olunub. Qarının sol yarısının divarının kəsilmiş, deşilmiş yarası diaqnozu təyin edilən şəxsə zəruri tibbi yardımlar göstərilib". 

Bu barədə TodayPress-in sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib. 

Qeyd olunub ki, hazırda reanimasiya şöbəsinə yerləşdirilən şəxsin müalicəsi davam etdirilir, vəziyyəti orta ağırdır.  

Xatırladaq ki, Sumqayıtın Corat qəsəbəsində 1985-ci il təvəllüdlü Mövlan Ramiz oğlu Qədirov münaqişə zəminində həmyaşıdı Anar İbrahim oğlu Hacıyevə bıçaqla xəsarət yetirib. Əməli törətməkdə şübhəli bilinən şəxs polis əməkdaşları tərəfindən saxlanılıb. Faktla bağlı araşdırma aparılır.

Qiymət Mahir