Modafinil və ya armodafinil barədə xəbərdarlıq

Sinqapur martın 10-da son bir il ərzində bildirilən 9 ciddi dəri reaksiyası hadisəsindən sonra fərdləri tibbi nəzarət olmadan modafinil və ya armodafinili istehlak etməməyə çağıran ictimai xəbərdarlıq edib. 

TodayPress xəbər verir ki, bu barədə Səhiyyə Elmləri Qurumunun (HSA) açıqlamasında deyilir. 

Bildirilib ki, modafinil və armodafinil yalnız həkim tərəfindən təyin edilməli və ciddi tibbi nəzarət altında istifadə edilməli olan güclü dərmanlardır.

Qurum xəbərdarlıq edib ki, ayıqlığı və ya konsentrasiyanı artırmaq üçün bu maddələrdən qeyri-adekvat istifadə ciddi sağlamlıq riskləri yarada bilər.

2024-cü ilin fevralından 2025-ci ilin fevralına qədər 18-57 yaş arasında olan doqquz şəxs küçə satıcılarından və ya tanışlarından modafinil və armodafinil alıb və reseptsiz götürüb.

Təsirə məruz qalan altı nəfərdə dəri və selikli qişaların qabarması və şiddətli soyulması ilə xarakterizə olunan, həyati təhlükəsi olan “Stivens-Conson” sindromu inkişaf edib.

Digər üç nəfər sindromun daha ağır forması olan zəhərli epidermal nekrolizdən əziyyət çəkib.  Zərərçəkənlərin əksəriyyəti sağalıb, ölüm faktı qeydə alınmayıb. 

Qiymət Mahir