Metro tarixində rekord sərnişin sayı qeydə alındı

2024-cü ildə metro tarixində bir gündə daşınan sərnişin sayına görə rekord qeydə alınıb.

TodayPress xəbər verir ki, bu barədə "Bakı Metropoliteni" QSC məlumat yayıb.

Bildirilib ki, ötən il sentyabrın 16-da 898 180 sərnişin metrodan istifadə edib.

Məlumata əsasən, 2-ci ən yüksək göstərici də ötən il qeydə alınıb. Belə ki, noyabrın 7-də metrodan 885 786 sərnişin istifadə edib.

"3-cü rekord göstərici isə 2018-ci ilin 24 dekabr tarixinə təsadüf edir. Həmin gün metropoliten 882 254 sərnişinə xidmət göstərib" deyə bildirilib.