İnsan alveri ilə məşğul olan 2 cinayətkar qrup zərərsizləşdirildi

Sosial

14.03.2025 12:12

2638

Ötən il 161 insan alveri və 1 məcburi əməyə cəlbetmə cinayəti qeydə alınıb. 

TodayPress xəbər verir ki, bununla bağlı Nazirlər Kabinetinin 2024-cü ildəki fəaliyyəti haqqında hesabatında əks olunub. 

Milli Məclisin bugünkü plenar iclasında müzakirəyə çıxarılan hesabata əsasən, insan alveri ilə məşğul olan 2 cinayətkar qrup zərərsizləşdirilib, bu hüquqazidd əməllərin qurbanı olan 91 şəxs müəyyən edilib: 

“Qurbanların 56-sı sığınacağa yerləşdirilib, onların müdafiəsi, tibbi, psixoloji yardımlarla əhatə olunması, zəruri geyimlə təmin edilməsi üçün bütün lazımi tədbirlər görülüb. 80 insan alveri qurbanına birdəfəlik müavinətlər verilmiş, 9-u işlə təmin edilmiş, 18-i peşə kursuna, 63-ü yardım mərkəzinə yönləndirilib”.

tag: Nazirlər Kabineti,Sığınacaq,Hesabat,Milli Məclis,İnsan alveri,Todaypress.az,