Gəncədə azyaşlı xəstəxanada öldü - RƏSMİ

Sosial

20.03.2025 11:50

1772

Gəncədə azyaşlı şəxsin xəstəxanada vəfat etməsinin ilkin səbəbi açıqlanıb. 

Tibbi Ərazi Bölmələrinin İdarəetmə Birliyindən (TƏBİB) TodayPress-in sorğusuna cavab olaraq bildirilib ki,  dünən saat 23 radələrində 7 yaşlı şəxs (kişi cinsli) ağır vəziyyətdə Gəncə Şəhər Birləşmiş Xəstəxanasının nəzdində olan Uşaq Xəstəxanasına hospitalizasiya olunub.

"Qaytarılmış qidanın və südün aspirasiyası, ağciyər və ürək çatışmazlığı, dəqiqləşdirilməmiş aplastik anemiya diaqnozları təyin edilən və serebral ifliclə yanaşı digər xəstəlikləri olan pasiyentin göstərilən reanimasiya tədbirlərinə baxmayaraq saat 03:20 radələrində ölüm faktı qeydə alınıb" deyə bildirilib. 

Məlumata görə, azyaşlı serebral iflic xəstəliyindən əziyyət çəkirmiş.

Töhfə Səməd 

tag: Gəncə,TƏBİB,Azyaşlı,Ölüm ,todaypress.az,