Azərbaycan nefti bahalaşıb

Dünya bazarında Azərbaycan nefti bahalaşıb. TodayPress xəbər verir ki, “Azeri Light” markalı neftin bir barelinin qiyməti 2,59 dollar və ya 3,1 faiz artaraq 85,05 dollar olub. Qeyd edək ki, “Azeri Light” neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

Londonun ICE (“InterContinental Exchange Futures”) birjasında “Brent” markalı neftin bir barelinin qiyməti isə 0,19 dollar artaraq 84,41 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,28 dollar artaraq 80,11 dollar təşkil edib.