Varikoz xəstəliyinin başlanğıcının əlamətləri nələrdir?

“Genişlənmiş, çıxıntılı damarlar başlanğıc varikozun əsas simptomudur”. 

TodayPress xəbər verir ki, bu barədə Moskvadakı Yusupov adına xəstəxananın fleboloqu Yelena Smirnova məlumat verib.

"Varikoz düyünləri ən çox ayaqların və ya budun daxili səthində görünə bilər" deyə həkim qeyd edib. 

Smirnova onu da xatırladıb ki, növbəti mərhələ qıvrılmış tünd mavi intradermal damarların görünüşüdür. Tez-tez ayaqlarda və baldırlarda ağrı, ayaqlarda istilik hissi və kramplar varsa, bu varikozdan xəbər verir.

Həkim həyat tərzinə edilən dəyişikliklərin trombozun inkişafının qarşısını almağa kömək edəcəyini söyləyib. Onun fikrincə, pis vərdişlərdən əl çəkmə, pəhrizə riayət etmək və aktiv fiziki fəaliyyət xəstəliyin qarşısını almağa kömək edəcək.

Artıq diaqnoz qoyulmuş varikoz damarları olan insanlar üçün isə heç məhdudiyyət yoxdur. Lakin bəzi təlimatlara mütləq riayət etməlidirlər. Belə ki, həddindən çox isti ayaqlardakı damarları genişlədir, ağrıların artmasına yol açır. Buna görə də daha sərin yerdə qalmalısınız.

Varikozu olanlar dar geyimlərdən uzaq durmalı, gün ərzində çoxlu maye qəbul etməli, gündəlik ən azı 30 dəqiqə gəzintiyə çıxmalı, mümkün qədər altı düz, rahat ayaqqabılar seçməli və oturan zaman ayaqların çox aşağı sallanmamasına diqqət yetirməlidirlər. 

Töhfə Səməd