Hansı peşənin sağlamlıq riski yüksəkdir?

Yük maşını sürücüləri iş şəraitlərinə görə bir sıra ciddi sağlamlıq riskləri ilə üzləşirlər.

TodayPress xəbər verir ki, bu barədə “Journal of Transport & Health” (JTH) jurnalı məlumat yayıb.

Araşdırmalara görə, yüksək səviyyəli təcrid, stress, zəif yuxu və səhiyyə xidmətlərinə çıxışın olmaması yük maşını sürücülərini çoxsaylı xroniki xəstəliklərə qarşı həssas edir. 

Bu kateqoriyadan olan sürücülərin 80 faizi ən azı bir ciddi xəstəlikdən, o cümlədən hipertoniya, şəkərli diabet, ürək-damar xəstəlikləri və piylənmədən əziyyət çəkir.

Bunun nəticəsi ən çox COVID-19 pandemiyası zamanı özünü göstərib.

Belə ki, nəqliyyat sektorunda həddindən artıq ölüm halları qeydə alınıb.

Türkan İsgəndərli