28 mindən çox vərəmə yoluxma qeydə alındı

Anqolanın paytaxtı Luandada 2024-cü ilin əvvəlindən bu günə qədər 28,701 vərəm hadisəsi qeydə alınıb. 

TodayPress xəbər verir ki, bu barədə “Angola Press Agency” məlumat yayıb.

Hesabata görə, bu dövrdə 1,040 nəfər vərəmdən həyatını itirib.

Luandanın Səhiyyə İdarəsinin direktoru Fernando Varela ölümlərin əsas səbəblərindən birinin xəstəliyə gec mərhələdə diaqnoz qoyulması olduğunu bildirib.

O, xəstələrin çoxunun tənəffüs çətinliyi və ciddi ağciyər zədələri ilə xəstəxanaya müraciət etdiyini vurğulayıb.

Varelanın sözlərinə görə, Luandada hazırda 50 tibb müəssisəsi vərəmlə mübarizə aparır.

Lakin əhali sayının çoxluğu səbəbindən bu müəssisələrin sayının ən azı 20 faiz artırılması planlaşdırılır.

Qiymət Mahir