Paşinyandan yeni təyinatlar

Ermənistan hökumətinin noyabrın 28-də keçirilən iclasında iki əsas vəzifəyə təyinatlar təsdiqlənib. 

TodayPress yerli KİV-ə istinadən xəbər verir ki, İstintaq Komitəsinin sədri daha əvvəl baş prokurorun müavini vəzifəsini tutan Artur Poqosyan olub. 

Bundan əvvəl o, Milli Təhlükəsizlik Xidmətinin istintaq idarəsinə də rəhbərlik edib.

2022-ci ilin dekabrından maliyyə nazirinin müavini vəzifəsində çalışan Eduard Akopyan isə Dövlət Gəlirləri Komitəsinin sədri vəzifəsinə təsdiq edilib. Akopyan 2013-cü ildən Maliyyə Nazirliyində müxtəlif vəzifələrdə çalışıb.

Günəş Mərd