Xocavənddə əlində qumbara partlayan gəncin son vəziyyəti açıqlandı - RƏSMİ

Xocavənddə əlində qumbara partlayan şəxsin barmaqları amputasiya olunub. 

Bu barədə TodayPress-in sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.   

Bildirilib ki, partlayış nəticəsində xəsarət alan 2002-ci il təvəllüdlü şəxs Füzuli Rayon Mərkəzi Xəstəxanasına hospitalizasiya olunub. Ona sol əlinin 1-ci, 2-ci və 3-cü barmaqlarının travmatik amputasiyası diaqnozu təyin edilib.   

"Hazırda pasiyent əməliyyat blokuna yerləşdirilib. Vəziyyəti stabil olaraq qiymətləndirilir" deyə məlumatda bildirilib.   

Türkan İsgəndərli