Ronaldo məhkəmə qarşısına çıxdı

“Yuventus”un sabiq hücumçusu, hazırda Səudiyyə Ərəbistanının “Əl-Nəsr” klubunda çıxış edən Kriştiano Ronaldo “qoca sinyora”nın koronavirus pandemiyası səbəbindən 9,8 milyon avro maaş vermədiyi Turin klubuna qarşı məhkəmə iddiasını qazanıb. 

TodayPress xəbər verir ki, “Yuventus” Ronaldoya 9,8 milyon avro ödəmək istəmir və bu məhkəmə qərarına etiraz etmək niyyətindədir. Qeyd edək ki, "Qoca sinyora"ın Ronaldoya borcu var, çünki 2020-ci il pandemiyası zamanı onunla və bir neçə klub oyunçusu ilə maaşlarının bir hissəsini sonra ödəyəcəyinə dair müqavilə bağlayıb.

Portuqaliyalı futbolçu 2018-2021-ci illərdə "Yuventus"da çıxış edib.

Namiq HUN