Nitq pozğunluğu insult əlaməti ola bilər

Biruni Universiteti Xəstəxanası nevrologiya mütəxəssisi professor Talip Asil insult və onun əlamətləri ilə bağlı əhəmiyyətli xəbərdarlıqlar edib.

Xəstəxanadan verilən açıqlamada bildirilib ki, insult dünyada üçüncü əsas ölüm səbəbidir və bunun üzün ani yerdəyişməsi, qol və ya ayaqda zəiflik kimi əlamətləri görünə bilər. Əlamətlər arasında nitq pozğunluğu da yer alır. 

TodayPress Anadolu Agentliyinə istinadla xəbər verir ki, professor T.Asil, bu simptomların müşahidə edildiyi hallarda vaxt itirilməməsinin vacib olduğunu vurğulayıb.

O, qeyd edib ki, insult dünyada əhəmiyyətli ölüm və əlillik səbəbidir. Professor, ictimaiyyəti bu məsələdə daha diqqətli olmağa çağırıb.

İnsultun yaş, cins, genetik və irq kimi müxtəlif faktorlara görə inkişaf edə biləcəyini deyən T.Asil, insult riskinin 55 yaşdan yuxarı insanlarda daha yüksək olduğunu, lakin daha gənc yaşlarda kişilərdə də bu riskin mövcud olduğunu bildirib. 

Onun sözlərinə görə, diabet, hipertoniya, piylənmə, yüksək xolesterin və ürək xəstəlikləri olan insanlarda insult riski artır. Erkən müdaxilə insultun qalıcı zərər verməsinin qarşısını ala bilər.