“Liverpul”un məğlubiyyətsizlik seriyası qırıldı

Futbol üzrə İngiltərə Liqa Kubokunda yarımfinal mərhələsinin ilk oyunu keçirilib.

TodayPress xəbər verir ki, Londonda “Tottenhem” “Liverpul”la qarşılaşıb. 

Lukas Berqvalın 86-cı dəqiqədə vurduğu qol “Tottenhem”ə 1:0 hesablı qələbə qazandırıb. 

Nəticədə “Liverpul”un 24 oyunluq məğlubiyyətsizlik seriyası qırılıb.

Qeyd edək ki, mərhələnin digər cütündə “Nyukasl” səfərdə “Arsenal”a 2:0 hesabı ilə qalib gəlib.

Yarımfinal mərhələsinin cavab matçları fevralın 6-da və 7-də keçiriləcək. 

Namiq HUN