İdman geyimləri necə yuyulmalıdır?

İdman paltarlarının yuyulma tezliyi məşq intensivliyindən və materialdan asılıdır.   

TodayPress-in məlumatına görə, əgər paltar bədənlə təmasda olursa (köynəklər, şortlar), hər məşqdən sonra yuyulmalıdır.   

Həmçinin, alt paltarları və corablar da hər dəfə yuyulmalıdır. Çünki onlar dəri ilə təmasda olur və mikroblar üçün əlverişli mühit yaradır.  Əgər güclü məşq edirsinizsə, idman şalvarları dərhal yuyulmalıdır.

Orta intensivlikdə məşq zamanı isə bu əşyaları bir neçə dəfə geyinib sonra yuya bilərsiniz. Üst paltarlar (köynəklər, kapüşonlar) isə 3-4 geyinmədən sonra yuyula bilər, amma güclü məşq sonrası dərhal yuyulması tövsiyə edilir.  İdman ayaqqabıları hər məşqdən sonra yuyulmaya bilər, amma müntəzəm olaraq təmizlənməsi lazımdır. 

Yuyulma zamanı 30-40 dərəcə su temperaturunda və incə yuma rejimindən istifadə etmək daha yaxşıdır. Maye yuyucu və ya idman paltarları üçün xüsusi yuyucu vasitələrdən istifadə tövsiyə edilir.   Paltarları açıq havada, birbaşa günəş işığı dəyməyən yerdə qurutmaq daha faydalıdır. 

Türkan İsgəndərli