ABŞ-dəki yanğınlar məqsədli törədildi, yeni böhran vəziyyəti yaradılır – Politoloq İDDİA etdi

“ABŞ-nin Kaliforniya ştatının Los-Anceles ərazisini bürümüş meşə yanğınları  11 min hektar ərazini əhatə edir. Rəsmi məlumatlara görə 16 nəfər həlak olub, 30 dan çox şəxs itkin düşüb. İlkin hesablamalara görə, təbii fəlakətdən dəymiş ziyan və iqtisadi itkilər təxminən 52-57 milyard dollar təşkil edir”.

TodayPress xəbər verir ki, bunu politoloq Yeganə Hacıyeva deyib. Onun sözlərinə görə, vəziyyəti çətinləşdirən məqamlardan biri  tüğyan edən irimiqyaslı meşə yanğınları ilə mübarizəyə profesional yanğın söndürən və ya ordu hissələrini  deyil, həbsxanalardan məhbusların cəlb edilməsidir.

“Newsweek jurnali” paylaşdığı məlumata görə meşə yanğınları ilə mübarizəyə  yerli həbsxanalardan 939  məhbus cəlb edilib. Onlar meşə yanğınları ilə mübarizə üsulları ilə telefonlarına  göndərilən məlumatlar vasitəsi ilə tanış olurlar. Diğər ştatlardan yanğın söndürənlərin dəvət olunması və ya ordu hissələrinin cəlbi hökümət və  ştat nümayəndələri arasında konsensus əldə olunmaması üzündən mümkün olmayıb. Media çoxluqda demokratlardan ibarət olan ştat adminstrasiyasının ümumiyyətlə məsuliyyətsiz davranışının faciənin miqyası və itkilərinin böyüməsinə səbəb olmasını tirajlayır”. 

Analitikin qənaətincə, yanğınlar keçən həftə bütün ABŞ-ni bürümüş terror hadisələrinin davamı kimi, məqsədli törədilir: “Əsasən, cəmiyyətə təsir imkanları geniş olan, sosial platformlar üzərindən milyonlarla izləyici kütləsi olan şəxslərin mülkiyyəti yanır. Dayanmadan kortəbii aparılan təbliğat xaos effekti yaradılmasına hesablanıb. Birjaların analizi böhran ssenarilərini arqumentləşdirir və göstəricilər  təxminən 2008-ci ilin maliyyə böhranını xatırladır”.

Siyasətçi qeyd edib ki, hazırda ABŞ-də yeni böhran vəziyyəti yaradılır.

Töhfə Səməd