BTS ulduzu Yay Olimpiya Oyunlarında məşəldar olacaq

Cənubi Koreyalı pop musiqi qrupu olan BTS-in ulduzu Çin (Kim Sok-cin) 2024-cü ildə Parisdə keçiriləcək Yay Olimpiya Oyunlarında məşəldar olacaq.

TodayPress xəbər verir ki, Cənubi Koreyanın bir sıra xəbər agentlikləri məlumatı təsdiqləyib.

İfaçı tezliklə Fransaya səfər edəcək. Onun iştirakının dəqiq yeri və qrafiki açıqlanmayıb.

Xatırladaq ki, 31 yaşlı Çin keçən ay Cənubi Koreyada məcburi hərbi xidmətini başa vuraraq vətəninə geri dönən ilk BTS üzvü oldu. 2022-ci ilin dekabrında hərbi xidmətə gedəndən bəri o, şou-bizneslə məşğul olmayıb.