Vitamin çatışmazlığı əhval-ruhiyyəyə təsir edir

Sink, maqnezium, D vitamini və digər faydalı maddələrin çatışmazlığı depressiyanı təhdid edir.

TodayPress xarici mediaya istinadən xəbər verir ki, müxtəlif qida maddələri sinir sisteminin normal fəaliyyəti, neyrotransmitterlərin serotonin, dofamin, norepinefrin sintezi və hormon balansının tənzimlənməsi üçün vacibdir. 

Məsələn, orqanizmdə sink çatışmazlığı əhval-ruhiyyənin pisləşməsinə, yuxulu hiss etməyə və yorğunluğun artmasına, D, B6, B9 və B12 vitaminlərinin çatışmazlığı isə əsəbiliyin artmasına, hətta depressiyaya səbəb ola bilər. Stressin tənzimlənməsində iştirak edən maqnezium psixoloji rifahı qorumaq üçün də lazımdır.

Mütəxəssislər bildirib ki, müasir həyat tərzi tez-tez vitamin çatışmazlığının inkişafına səbəb olur.

Çatışmazlığın qarşısını almaq üçün ilk növbədə pəhriz saxlamaq tövsiyə olunur. Pəhrizdə rəngli meyvələr, tərəvəzlər, qoz-fındıq, avokado, zeytun yağı, balıq, ət olmalıdır. Bundan əlavə, çatışmazlıqları tez bir zamanda aşkar etmək və aradan qaldırmaq üçün müntəzəm müayinələrdən keçmək lazımdır.

Xatırladaq ki, fiziki aktivlik, pis vərdişlərdən imtina etmək  psixi sağlamlığı və həyat keyfiyyətini yaxşılaşdırır.

Töhfə Səməd