Ürək çatışmazlığının əlamətləri

Yorğunluq və ayaqların şişməsi ürək çatışmazlığından xəbər verir 

TodayPress xarici mediaya istinadən xəbər verir ki, ürək-damar xəstəlikləri ,əsasən, ürəyin tələb olunan qan həcmini pompalamaq qabiliyyətinin azalması ilə xarakterizə olunur.   

Nəticədə, insanlar ayaq və orqanların şişməsi ilə yanaşı, nəfəs darlığı və yorğunluq hiss edir.     

Hər hansı ürək-damar xəstəliyindən sonra ürək çatışmazlığı yarana bilər.   Məsələn, miokard infarktı götürək. Bu, bir insanda meydana gəldikdə, ürək əzələsinin bəzi bölgələri təsirlənir və bu yerdə nekroz meydana gəlir, sonradan birləşdirici toxuma ilə əvəz olunur və çapıq əmələ gəlir. Nəticədə əzələ bölməsi kontraktil funksiyadan xaric edilir və işləmir. Bu funksiyanı miokardın başqa bir hissəsi öz üzərinə götürür, lakin müəyyən müddətdən sonra bu toxuma tükənəcək, sol mədəcik genişlənəcək. Nəticədə, ürək kifayət qədər qan pompalaya bilmir və bu, qanın ürəyin önündə yığılmasına və şişməyə səbəb olur. 

Qeyri-kafi ürək çıxışı toxuma və orqanlara oksigenin aşağı tədarükünə gətirib çıxarır ki, bu da nəfəs darlığı və yorğunluqla özünü göstərir.   

Ürəyin sol tərəfinə daxil olan qanın yığılması ağciyərlərdə tıxanmaya və nəfəs almaqda çətinlik çəkməyə, nəfəs darlığına; sağ nahiyəsinə daxil olan qanın yığılması isə mayenin bədənin digər hissələrində, məsələn, qaraciyərdə, ayaqlarda durğunluğuna səbəb olur.   

Günəş Mərd