Süni intellekt bioloji silah yaratmaq qabiliyyətinə malikdir

Aparılan araşdırma nəticəsində süni intellektin bioloji silah yarada biləcəyi müəyyən olunub.

TodayPress xarici KİV-ə istinadən xəbər verir ki, biokimyaçı Rokko Kasagrande, “chatbot”ların bioloji silah yaratmağa kömək edə biləcəyini açıqlayıb. Alim və komandası bioterrorçular adı altında süni intellektin imkanlarını tədqiq etmək üçün təxminən 150 saat vaxt sərf edib və bu zaman müəyyən olunub ki, “chatbot”un biosilahlarla bağlı verdiyi cavablar adi axtarış nəticələrindən tamamilə fərqlənir.

Süni intellekt Kasagrande və onun komandasına biosilahlardan istifadənin ən təsirli yolları, eləcə də hansı hava şəraitində onlardan istifadə etməyin daha yaxşı olduğu barədə geniş məlumat verib.

Tədqiqatdan sonra Kasagrande ABŞ-nin yüksək səviyyəli liderlərinə məsələ ilə bağlı hesabat təqdim edib.

Bundan əvvəl immunoloq Nikolay Kryuçkov bioloji silahların istifadəsinin praktiki olaraq istisna edildiyini, çünki onların istifadə edən tərəf üçün də təhlükə yaratdığını bildirmişdi.