Rusiyada sirli yeraltı keçid tapıldı

Rusiyanın Torjok bölgəsində divarları ağ daşdan tikilmiş sirli yeraltı keçid tapılıb. 

TodayPress xəbər verir ki, bu barədə arxeoloq Nataliya Sarafanova "VKontakte" səhifəsində məlumat verib.

"Şəhərin tam mərkəzində yeraltı tunel var. Bu keçidin hələ də ağ daşdan bütöv divarları və yuyulmuş qumdan bünövrəsi var. Mütəxəssislər hələ ki, onun nə məqsədə tikildiyini bilmirlər, lakin onlar bunun fırtına drenajı olduğunu güman edirlər. Həmçinin bu yerdən çox uzaqda tədqiqatçılar taxta səkinin bir hissəsini tapıblar" deyə o bildirib.

Bundan əlavə, müasir infrastrukturun altında qədim qəbirlər tapılıb. 

Arxeoloqun sözlərinə görə, dəfnlərin yerli qəbiristanlığa aid olması və ya kortəbii qəbirlər olub-olmaması hələlik aydın deyil.

Töhfə Səməd