REKORD YENİLƏNDİ: Rusiyalı kosmonavt adını tarixə yazdırdı

Rusiyalı kosmonavt Oleq Kononenko tarixdə 1000 gün kosmosda qalan ilk şəxs olub. Bu barədə Rusiya Federal Kosmik Agentliyi ("Roskosmos") məlumat yayıb.

TodayPress xəbər verir ki, kosmonavt beşinci dəfə kosmosa uçuşunu 2023-cü il sentyabrın 15-də edib. Kononenkonun Beynəlxalq Kosmik Stansiyaya illik uçuşu (bu ilin 23 sentyabrına planlaşdırılıb) başa çatdıqdan sonra ümumi uçuş müddəti 1110 gün olacaq.

Qeyd edək ki, fevralın 4-də də Kononenko kosmosda ümumi qalma rekordunu qırıb. Bu titulun əvvəlki sahibi rusiyalı Gennadi Padalka olub, onun beşdən çox uçuşu ümumilikdə 878 gün 11 saat 29 dəqiqə 48 saniyə olub.

Nərmin Tuncay