Pyastlar dövləti niyə süqut etdi?

Polşada ilk kral hakimiyyəti qurmuş Pyastlar sülaləsinin süqutu sosial əlaqələrin zəifləməsi və ekoloji resursların ifrat istismarının tarazlaşdırıla bilməməsi ilə bağlı olub.

TodayPress xəbər verir ki, bu barədə tədqiqatın nəticələri “Proceedings of the National Academy of Sciences” jurnalında dərc olunub.

Alimlər hesab edir ki, dayanıqlı siyasi sistemlər sosial əlaqələr ilə kapital yığımı arasında tarazlıq tələb edir.

Bu balansın pozulması isə Pyastlar dövlətinin dağılmasına gətirib çıxarıb.

Pyastlar sülaləsinin təməli eramızın 900-cü illərində, ehtimal ki, Avrasiya qul ticarətindən əldə olunan gümüş hesabına qoyulub.

Arxeoloji və palinoloji (toz dənəcikləri əsasında aparılan) məlumatlar göstərir ki, bu dövrdə sürətli meşə qırıntısı, kənd təsərrüfatının genişləndirilməsi və torpaqların intensiv istifadəsi qeydə alınıb.

Qısa müddətdə ərazilərin genişlənməsi və mərkəzi bölgələrdə əhalinin artmasının zorakı köçürmələrlə bağlı olduğu güman edilir. Lakin bir əsrdən az müddət sonra kənd təsərrüfatı fəaliyyətinin azalması və təbii ekosistemlərin geri dönməsi müşahidə edilib. Nəhayət, 1030-cu illərdə daxili çəkişmələr Pyastlar dövlətinin süqutuna səbəb olub. 

Qiymət Mahir