İki yeni super ekzoplanet kəşf edildi

Beynəlxalq astronomlar qrupu iki yeni super - Yer ekzoplanetini – “TOI-6002 b” və “TOI-5713 b” kəşf edib. 

TodayPress xəbər verir ki, “TESS” kosmik teleskopundan istifadə etməklə aparılan müşahidələrin nəticələri “Arxiv” saytında dərc olunub.   

Ekzoplanetlər M cırtdan ulduzların ətrafında fırlanır və ölçüsü Yerdən təxminən iki dəfə böyükdür. 

“TOI-6002 b” ekzoplanetinin radiusu Yerdən 1,65, kütləsi isə təxminən dörd dəfə böyükdür. Onun orbital dövrü 10,9 gün, temperaturu 321,1 kelvin (K) səviyyəsində qiymətləndirilir.

“TOI-5713 b” Yerdən 77 faiz daha böyük radiusa və təxminən 4,3 Yer kütləsinə bərabər bir kütləyə malikdir, orbital dövrü 10,44 gün və temperaturu təxminən 347,2 K

Orbitlərin və temperaturun dəqiq parametrlərinə baxmayaraq, planetlərin tərkibi qeyri-müəyyən olaraq qalır. Onlar ya qayalı dünyalar, ya da yüksək sulu planetlər ola bilər.

Günəş Mərd