Havadan içməli su əldə edən cihaz hazırlandı - YENİ İXTİRA

Alimlər innovativ üzgəc kimi sistemdən istifadə edərək havadan içməli su çıxara bilən cihaz ixtira ediblər. Cihaz Yer atmosferindən trilyon litrlərlə şirin su toplamaqla içməli suya artan qlobal tələbatın ödənilməsinə kömək edə bilər.

TodayPress xəbər verir ki, ABŞ-nin Massaçusets Texnologiya İnstitutunun alimləri suyu toplamaq üçün su udan "üzgəclərdən" istifadə edən adsorbsiya əsaslı  ucuz və yığcam sistem hazırlayıb.

"Dünya əhalisinin təxminən 3/2-si su qıtlığından əziyyət çəkir. İllik suya tələbatın təxminən 40 faizinin 2030-cu ilə qədər qarşılanmayacağı proqnozlaşdırılır ki, bu da ictimai səhiyyə, kənd təsərrüfatı kimi sahələrdə əlavə problemlər yaradır", deyə tədqiqatçılar  sözügedən texnologiyanın təfərrüatları barəsində məlumat verərkən yazıblar.

Atmosferdə təqribən 1300 trilyon litr şirin su var ki, onları mövcud maye su ehtiyatına etibar etmədən asanlıqla toplamaq olar. Absorbsiyaya əsaslanan atmosfer suyunun yığılması, duman yığımı və şeh damcısı kimi ənənəvi atmosfer suyunun yığılması ilə son dərəcə quraq mühitlərdə içməli su istehsalı vəd edir.

Mövcud “SAWH” sistemləri ümumiyyətlə günəş enerjisinə əsaslanır, lakin dəyişkən hava şəraiti və aşağı enerji sıxlığı onların insanın gündəlik ehtiyaclarını ödəmək üçün yararsız olduğunu göstərir.

Alimlərin ucuz və yüksək performanslı bir həll olduğunu iddia etdikləri bu yeni cihaz suya tələbatı ödəmək üçün tullantı istilikdən istifadə edir.

Sistemin işləyən prototipi əsasında aparılan hesablamalar göstərir ki, üzgəclərdəki 1 litr uducu örtük 30 faiz nisbi rütubətli havada gündə 1,3 litrə qədər içməli su istehsal edə bilir.

GÜNEL