Güclü maqnit qasırğası Yer kürəsini bürüyəcək

Sentyabrın 16 və 17-də Yer kürəsini güclü G3 sinifli maqnit qasırğası vuracaq.

TodayPress xəbər verir ki, bu barədə Günəş Astronomiya Laboratoriyasının mütəxəssisləri məlumat veriblər.

Bildirilib ki, alimlərin sentyabrın 16-da dəqiqləşdirdiyi kimi, maqnitosfer saat 08:00-dan sonra baş verəcək.

Mütəxəssislərin fikrincə, maqnit qasırğası sentyabrın 17-də sönəcək.

Bundan əvvəl Phobos hava mərkəzinin aparıcı mütəxəssisi Yevgeni Tişkovets Yer kürəsində yenidən güclü maqnit qasırğasının başlayacağını bildirmişdi.

Onun sözlərinə görə, tufan sentyabrın 17-si Moskva vaxtı ilə saat 12:00-a qədər davam edəcək. 

Sentyabrın 14-də Rusiya Elmlər Akademiyası Kosmik Tədqiqatlar İnstitutunun Günəş Astronomiyası Laboratoriyası Günəşdə 2017-ci ildən bəri ən güclü alışmalardan birinin qeydə alındığını bildirib.

Aynur TAC