"Ginnesin Rekordlar Kitabı"na düşən tutuquşu

Apollo adlı Afrika boz tutuquşu 3 milyona yaxın izləyicisi olan bir “TikTok” ulduzudur.

TodayPress-in xəbərinə görə, Apollo zəkasına və qeyri-adi danışıq qabiliyyətinə görə "Ginnesin Rekordlar Kitabı"na düşüb.

4 yaşlı Apollo Floridada yaşayır. Onun YouTube hesabının 1,3 milyondan çox abunəçisi var. Ən çox sevdiyi meyvə püstədir.

Apollo rəngləri, sözləri və əşyaları tanıyır. Onun şifahi bacarıqları ona saymağa, aydın ünsiyyət qurmağa və mürəkkəb suallara cavab verməyə imkan verir. O, həm də marağını təmin etmək və ətrafındakı dünyanı anlamaq üçün suallar verməyi bilir.