Dünya banan qıtlığı təhlükəsi ilə üz-üzə

Exeter Universitetinin alimlərinin fikrincə, iqlim dəyişikliyi Latın Amerikası və Karib dənizində banan yetişdirmək imkanlarını azaldır.   

TodayPress xəbər verir ki, bu barədə "Nature Food" jurnalı məlumat dərc edib.   

Araşdırmaya görə, bu qıtlıq sənayedə daha çox qlobal böhrana səbəb ola bilər. 

2080-ci ilə qədər ixrac üçün banan yetişdirmək bu məhsulun əsas tədarükçüsü olan regionların 60 faizi üçün iqtisadi cəhətdən sərfəli olmayacaq.

Alimlər bunun səbəbinin temperaturun yüksəlməsi olduğunu deyirlər və onlar ən çox zərər çəkən ölkələrin Kolumbiya və Kosta Rika olacağını proqnozlaşdırırlar. İqlim dəyişikliyi səbəbindən bu ölkələrdə hava şəraiti daha banan yetişdirmək üçün uyğun olmayacaq. 

Alimlərin fikrincə, Braziliya və Ekvadorda vəziyyət o qədər də fəlakətli olmayacaq, buna görə də bu ölkələr istehsalı və ixracını davam etdirə biləcəklər. 

Töhfə Səməd