Çində tarixi missiya - Kəşfiyyat gəmisi Aya uğurlu eniş etdi

Mayın 3-də Çinin Ayın qaranlıq hissəsindən qaya və torpaq nümunələrini toplamaq üçün kosmosa göndərdiyi “Çanq-e 6” kosmik gəmisi missiyasını uğurla həyata keçirib.

TodayPress xəbər verir ki, bu barədə Çinin dövlət agentliyi məlumat yayıb. Bildirilib ki, gəmi Günəş sistemindəki nə böyük kraterlərindən biri olan nəhəng Cənub Qütbü-Aitken hövzəsinə enib. Bu, Ayın qaranlıq yarımkürəsindən ilk qaya və torpaq nümunələrinin toplanması məqsədi daşıyan əlamətdar missiya kimi dəyərləndirilir.

Mütəxəssislər prosesin iyunun 25-də başa çatacağının gözlənildiyini bildiriblər. Missiya uğurlu olarsa, Çin Ayın qaranlıq hissəsindən qaya və torpaq nümunələrini toplayan ilk ölkə olacaq.