Bağırsaqların beyinə təsirləri açıqlandı

Tədqiqatlar bağırsaqların beyinə təsir etmək gücünü ortaya çıxarıb.  

TodayPress xarici mediaya istinadən xəbər verir ki, araşdırmalar zamanı bağırsaqlarla beyin arasında ikitərəfli əlaqələrin olduğu müəyyən edilib. 

Buna görə də, bağırsaqlarda faydalı və zərərli bakteriyalar arasında balans pozulduqda, bu, insanın emosional vəziyyətinə təsir göstərir.

Bundan əlavə, həkimlərin fikrincə, bəzi patogen bakteriyalar əhval-ruhiyyəni tənzimləyən hormonların - dopamin və serotonin istehsalına təsir göstərə bilər.   

Ünsiyyət mədə, nazik və yoğun bağırsaqda yerləşən sinir hüceyrələri tərəfindən təmin edilir. Bu hüceyrələr, beyinlə daim əlaqə saxlayan və ona qidanın tərkibi haqqında - təhlükəli maddələrin və ya zərərli bakteriyaların olub-olmadığını aydınlaşdıran bağırsaq sinir sistemini təşkil edir.  

Əlavə edilib ki, faydalı bakteriyaların üstünlük təşkil etdiyi sağlam bağırsaq mikrobiomu narahatlıq pozğunluqları və depressiya riskini azaldır. Buna görə də, balanslaşdırılmış qidalanma təkcə fiziki deyil, həm də emosional sağlamlıq üçün vacibdir. 

Günəş Mərd