Aparılan yeni araşdırmalara görə, planetin istiləşmə prosesinin 1.5 dərəcə Selsi səviyyəsində saxlanması cəhdi uğursuzluqla yekunlaşıb.

TodayPress xəbər verir ki, bununla da, yüzilliyin sonuna kimi planetin 1.5 dərəcə Selsidən 2.5 dəfə daha çox qızacağı gözlənilir. Alimlər güman edirlər ki, gələcəkdə bizləri iqlim ilə bağlı daha acınacaqlı vəziyyət gözləyir. Görünür, gələcəkdə baş tutacaq hər bir "El-Ninyo" (Sakit okeanın ekvatorial hissəsində su səthinin temperaturunun dəyişməsinə təkan verərək iqlimə təsir göstərən hadisə) hadisəsi daha ekstremal hal alacaq. BMT-nin hesabatına əsasən gələcəkdə daha ekstremal "El-Ninyo" hadisələri planet üçün yeni normaya çevriləcək.

Güman olunur ki, həmin zamanlarda Cənubi Avstraliyanın qərb sahilləri güclü yağışlara məruz qalacaq. Nəticədə regionda daşqınlar və sürüşmələr baş verəcək. Eyni zamanda İndoneziya və Avstraliya da daxil olmaqla Sakit okeanın qərb hissələri çox güman ki, quraqlıqdan zərər çəkəcəklər. Tədqiqatçılar bildiriblər ki, günümüzdə dünya bu yüzilliyin sonunadək qlobal temperatur göstəricisininin 2.9 dərəcə Selsi yüksəlməsi yolunda irəliləyir. Bununla belə bu cür temperatur göstəricisi yalnız hal-hazırki parnik qazları ifrazı tempinin qorunub saxlanması halı üçün nəzərdə tutulub.

Alimlər tərəfindən istifadə edilən mövcud iqlim modeli 100 il ərzində 8-9 ekstremal "El-Ninyo" hadisəsini proqnozlaşdırır. Planetin qlobal temperaturunun 3.7 dərəcə Selsi yüksəlməsi halında isə "El-Ninyo" sayı hər 100 il üçün 26-ya yüksələ bilər.