Türkiyədə inflyasiya son bir ilin ən aşağı səviyyəsinə düşdü

Türkiyədə qiymət artımı ardıcıl altıncı aydır ki, zəifləyib. 

TodayPress xəbər verir ki, bu barədə “Anadolu” agentliyi məlumat yayıb. 

İllik inflyasiya noyabrda 47,09%-ə düşüb.

Oktyabr ayına qədər istehlak qiymətləri 2,24% artıb ki, bu da son beş ayın ən aşağı göstəricisidir. İstehsalçı qiymətləri isə 29,47% artaraq 2021-ci ilin fevralından bəri ən aşağı səviyyəsini göstərib. Ən çox qiymət artımı təhsil sektorunda 92,49% olaraq qeydə alınıb. Mənzillərin qiymətləri 74,75%, mehmanxana, kafe və restoranlarda xidmətlər 59,38% artıb.

Türkiyə Mərkəzi Bankı mart ayından etibarən əsas faiz dərəcəsini 50% səviyyəsində saxlayıb. Mərkəzi Bank baza inflyasiyasında “əhəmiyyətli və davamlı” azalma qeydə alınana qədər sərt pul siyasəti yürütmək niyyətindədir.

Töhfə Səməd