"Samsung" yeni telefon seriyası haqqında məlumat verdi

“Samsung” korporasiyası yeni ildə 2024-cü ilə nisbətən daha az qatlanan qurğu buraxmağı planlaşdırır. 

TodayPress xəbər verir ki, bu barədə Koreyanın "Et News" nəşri məlumat yayıb.

Media mənbələri "Samsung" rəhbərliyinin yeni qadcetlərin tədarükü ilə bağlı mühafizəkar olduğunu bildirib. Qatlana bilən qurğulara tələbatın aşağı düşməsi səbəbindən şirkət 2025-ci ildə "Z Fold" və "Z Flip" smartfonlarının istehsalını xeyli dərəcədə azaldacaq.

Hesabatda deyilir ki, Koreya korporasiyası 2025-ci ildə iki milyon "Z Fold 7" smartfon-planşetləri və üç milyon "Z Flip 7" qapaqları istehsal etməyi planlaşdırır. Yəni bütün il ərzində şirkət bazara cəmi beş milyon qatlanan flaqman qurğu təqdim edəcək. 2024-cü illə müqayisədə şirkət istehsal həcmini çox azaldacaq - üç milyon ədəd. 

"Samsung" “adi” smartfonların istehsalını artırmaq niyyətindədir. Beləliklə, şirkət "Galaxy S25" seriyasının flaqman telefonlarının istehsalını yeddi faiz artıraraq 37,4 milyon cihaza çatdırmaq niyyətindədir. Müqayisə üçün qeyd edək ki, 2024-cü ilin sonuna qədər şirkət bazara 35 milyon "Galaxy S24" cihazı göndərib.

Töhfə Səməd